回報率及回報額既分別

最近, 我老婆唔知因咩事講開我淨係識自己買股票, 唔肯教佢, 話户口有兩萬幾蚊, 可以買咩股? 首先, 我問左佢一個問題, 兩萬幾蚊既本金, 妳想一年有幾錢回報? 佢答我想最少有四至五千。 跟住我同佢講, 一年四五千蚊, 好似唔多, 但係以妳既本金計, 其實回報要20% or above, 真係咁容易? 之後同佢講多幾句, 就不了了之。 我諗佢既諗法同埋情況, 同唔少香港人差唔多, 佢地認為一年幾千蚊回報唔算多, 因為佢地著眼既係回報額, 但投資要著眼既, 我覺得應該係回報率至岩， 而且呢個回報率既持續性。 投資一年賺幾千,幾萬,幾十幾百幾千萬上, 一年賺廿%以上, 大有人在, 但連續五年有廿%, 少之有少, 連續十年以上做到呢個成績, 鳳毛麟角吧! 大部份人本金有限, 又著眼回報額, 結果一開始可能一年先得一兩千或者幾百, 遠低於其預期, 結果就失去長線投資既興趣, 直頭放棄投資, 再唔係就轉而炒賣, 追求短期回報。 但如果佢明白到回報率既重要, 知道年年能夠做到穩定既回報率, 長遠帶黎既回報額絕對會相當可觀。