投機買入

上個星期, 以投機既心態買入一隻股票, 目標係兩成既回報。曾經有7%既回報, 不過依家又得返1%多d。 講得投機, 就唔係以平時作長線投資咁選股, 但正因為唔係用平時既選股方法, 知道自己只係投機, 所以心理上既負擔比作長線投資大。平時作長線投資, 講完全唔留意股價既變動就假既, 始終股價既升跌都反映係賬面上, 升得多同跌得多都會有d開心同失落既, 但始終知道係長線投資, 短線既波動對心理既負擔真係唔算大。但今次清楚自己係投機, 都幾留意股價既波動, 變相俾多左心理負擔自己, 正正自知自己對投機會有更大既心理包袱, 所以只係投入少量既資金玩玩就算。