富人既資產令到富者越富

富人越黎越有錢, 當然佢地富人既心態係好大既原因, 而另一個原因係佢地有相當既資產, 通常都會有一定數量既儲備, 可以o係經濟低迷金融海嘯既時候, 出手狂入貨, 擴大佢地既資產。

但對於資本有限既我地, 備用現金係一件相當奢侈既事。 同真正既富人比較起黎, 時間成本對我地黎講係貴好多。冇人知道幾時會係經濟瀟條既時候, 但富人既資產多到可以容許佢地冇止景去等待一個千載難逄既機會。但對於可能只有數十萬或百多萬既我地, 要將十幾廿萬做儲備現金, 冇止景咁等待, 當中既心理負擔係大好多, 試想眼看個股市樓市日日升, 你會幾後悔冇投入儲備既現金, 最尾可能影響左你既決定, o係一個唔岩既時間投入你既儲備, 得不償失。

有時唔係富人特別叻, 而係佢地既條件, 令佢地冇咁容易影響到佢地既決定, 所以作為有限資產既人, 係要諗下點減少自己犯錯既機會, 先有機會成為富人。