呢排懶左update, 因為去左大板玩左一個星期。雖然話最近yen平左唔少，不過日本既洗費其實都唔算平，成個trip洗左三萬幾蚊。計埋早排去蘇梅，今年既回報已經洗左2/3有多，本來之前都無諗過再去玩，不過老婆未返新工，當同佢玩埋呢排，反正之後佢都無咁快有大假。
今次旅行，有個驚喜，就係upgrade上business, 原來business又真係好舒服，不過今次我一行數人都有得upgrade, 會唔會反映到航空業環境唔係咁好? 不過我未坐過商務，可能一向都係咁都唔奇。但呢d免費upgrade既體驗，話唔定係航空公司既策略都唔奇，因為今次咁舒適既經歷，真係會令人心動，以後去旅行都轉乖商務客位，前提當然要銀包負擔得起。
另外，去旅行既時候，洗錢既心態都好唔同，平時都唔會咁手鬆，一去玩就鬆手好多，買買下都買左唔少野。不過睇返香港既旅遊業，似乎開始停滯不前，旅遊業走下坡，影響唔係單一咁簡單，一連串既行業都會受影響，零售、物流、飲食重有好多睇落唔多關事既，其實背後都會受影響。
今次旅程之後，應該要到下年先會再去，希望下年既旅程都係唔使自己份人工出就好啦！
又唔駛錢去旅行咁好
回覆刪除股市賺錢你強項黎,出年又可免費去啦
ww兄，
刪除咪講笑啦！
咁岩呢兩年好彩食到條水姐，
之後有冇咁好回報真係好難講。
正, 我都想試下十幾粒鐘既機程都有商務坐, 我咁唔鍾意返香港就係因為經濟位好難頂:(
回覆刪除塘人兄，香港去大板得四粒鐘，
刪除不過商務真係好舒適。