我諗上年都無人會估到，油價o係今年竟然會低至廿幾三十蚊一桶。到底產油國為咩o係每出產一桶油都要蝕錢既情況下，重唔減產由得油價下跌? 報章就話係為左打擊美國既頁岩氣公司，可能有人又會諗，燒咁多銀紙，去打瓜左佢地值唔值得呀？當然，產油國表面係為左打瓜頁岩氣既公司，但實際上要得到既，係打垮左佢地之後既掠奪同吞併，確保長遠既利益，再者俾到人地一個signal，下次都會為左打擊對手而不惜代價，令到之後想加入頁岩氣分一杯羹既都要三思。
而且，油價同股市息息相關，如果一早預知油價會跌，又或者知道幾時產油國會坐埋傾下計，從中o係金融市場獲得既利益到底有幾多，真係可能多過賣油。
當然，以我一介蟻民，所講既真係笑死人，不過反正係自己blog，打出黎失禮下都無壞既。
高盛一早出來說, 油價會跌去20美元, 也可能佢一早己沽出好多期油從中獲利 !
回覆刪除如果一早知道油價會跌，背後又點會唔做野沽貨從中獲利。
刪除到咁上下想個市升，又可以放風話開下會油價又會升，又有so。
究竟美國的頁岩公司怎樣？
回覆刪除咪執既執，唔執都吊緊鹽水。
刪除對手係美國喎！咁容易咩。
回覆刪除肯肯定美佬一定會輸出戰爭去中東，之所以老習先去中東買油，提供資金。呢兩年…丙申丁酉…有戲睇，東海都唔靜！
全世界我最憎就係美國，最自私既國家。成日為左自己既利益去干涉人地國家既事。
刪除而家反而最會出問題嘅係俄國
回覆刪除我倒對普京有一定信心
刪除採油係資本密集生意，開始投資巨大，操作成本相對較輕，因此突然跌價，也只會令開發新油井減慢，而非在已開發的油井停產，所以從經濟角度看係好難會減產，但是長遠會有一個新平衡，難開發的產地會退出，中東要捱幾年。
回覆刪除我只係門外漢，都係唔怕失禮亂講野。
其實大家都係門外漢，
刪除就算好多上電視既所謂專家，
都係估估下。
唔怕失禮就岩啦，
講左出黎再聽下人地既意見又有得益。