投機失敗

之前投機買入既股票, 尋日已經賣左, 以輸10%左右收場。今次既經歷, 更加印證到自己係唔適合投機。 呢隻股票, 原本只係個三多d, 我就個四買, 尋日突然跌毫幾紙, 因為係投機, 所以一跌到十個%, 就決定止血。點知今日即刻升返成毫紙, 即刻噴血。 不過我又冇後悔, 因為自知係投機, 所以一到止蝕位就應該執行。而且因為係投機, 坦白講, 唔係幾安心, 自己冇能力預知今日會升返10%, 所以為求安心賣係應該既。

不過今次之後, 唔會再採取呢種投機既方法, 會採用其他令自己更安心既投資方法。