六月蘇梅之旅

最近好似好耐冇update 到自己個blog,  除左懶之外, 最大原因係岩岩放左大假, 去左蘇梅玩幾日。

今次呢個旅程, 都係hea為主, 除左一日出島浮潛, 一日去玩飛索, 日日都瞓到咁上下先起身, 望住個海嘆早餐, 之後就揸車周圍去, 食下行下, 再唔係返酒店個泳池或者個private pool 浸下水晒下太陽, 寫意到暈。

今次旅程, 特登就岩老婆生日, 請佢去玩洗費全包當佢既生日禮物。雖然洗左唔少錢, 不過都唔肉赤, 一黎老婆開心, 而最重要係今個旅程, 全程都係洗左1/3既投資回報所得, 希望以後每年既旅行, 都可以由投資回報幫我出, 等我年年都可以去嘆返下。