有小小酸

岩岩睇見個o係外國留學既女仔朋友fb, post左佢男朋友送俾佢既2 month anniversary 禮物，就係一架09年既Audi R8。

睇到o固刻，真係有d酸溜溜既感覺。R8係我心目中既愛車之一，幾錢真係唔清楚，淨係知新車過百個，咁我相信09年二手價平極有限卦。以我依家既財務進展，相信都唔會捨得擁有呢架車。

對於屋邨仔出身既我，其實一早就明白自己已經輸在起跑線上，再加上自己只求安穩既心態，知道自己係無咩可能成為富人，明白到富人係一個遙不可及既距離，所以對現狀已經知足，現階段只係希望透過節儉儲蓄去作投資，播種等之後收成，未來可以輕輕鬆鬆咁過活。

雖然話知足常樂，但當親身睇到人地有父蔭既係咁易就可以出手送架貴車俾人，而自己就節約咁過日子去投資，心中都係有點不是味兒。不過咁，人比人，比死人，酸過下食返d甜野就ok 啦！都係o固句，知足常樂，所以望下我隻811就黎突破7 蚊大關又甜返lu。