早幾日返老家食飯，兩老可能早輪股市暢旺，於是問下我買左咁耐股票，有無賺到十幾萬? 答完佢地之後，又問我依家有幾多股票同有幾多錢o係銀行? 答完之後，可能我既答案遠超佢地所想，又或者最近股市既火熱令到佢地有d擔心，就同我講千祈咪借錢，d息好貴，要用錢開聲問佢地，我就含糊地帶過借錢呢個話題。
我老豆係好典型既上一代人，不過已經比以前進步左。從前佢係連股票都唔會買，淨係識儲蓄，最多做下零儲整富咁。不過經過我一番唇舌，總算會投資下股票，當時我叫佢買股收息，不過佢個方向都係賺價為先，收息為次，咁都無所謂，因為佢係心態上調節得幾好，有耐性等比較低位先入，又唔會高追，而且買既都唔係d咩垃圾股，偶爾買貴左收下息守守下都唔洗輸，最近賣晒所有股票，埋單都叫賺左十幾萬，又再等機會先再買過。 呢十幾萬已經等於佢依家兩年既人工，如果佢好似以前咁保守，資產就唔會有增長得咁快。
雖然我老豆已經進步左，但對於借錢，佢就同好多上一輩既人一樣，覺得借錢唔係一件好事，所以先會叮囑我要用錢可以問佢地。有咁既諗法，原因係佢地一直以黎都係被灌輸負債係壞事，而從來無諗過負債如果利用得當係可以加快財務進程既工具。唔好話上一代，就算我呢一代人，都有唔少重係keep住呢種思維。由於呢種思維已經植根左o係我老豆既腦海已經超過半世人，所以我都無將自己揹住幾十萬既債話俾佢知，而且亦都無諗過改變佢呢種思維，反正佢已經錯過左佢最住借貸投資既時代，而現在投資亦略有回報，對佢地兩老黎講已經相當滿足，就維持現狀就好了。不過我自己就會吼住有冇抵既借貸機會，從而加快財務既進程。
我想起碼90%人也對「負債」有壞的印象。但適時借貸的確可以大大加速財務自由的步伐，我也在留意有沒有好的低息借貸機會。
回覆刪除同樣，家母在4月時見股市大漲，也同樣對我說假如我需要資金，也可以向她借。不過那是她老人家用來養老的資金，所以我無論如何我也不會牽扯到她那裏。
當然若有任何借貸，也不會告訴她，因為她一定以為我大難臨頭，每天都寢食不安。
雲地兄，我同你既諗法差唔多，
刪除除非真係極端情況，否則都唔會用到兩老既錢。
最近股市升左唔少，借貸投資就要留心多d。
各人都對借貸的定義有所不同, 加上好為人師, 所以點都會話兩句
回覆刪除上一代人對借貸既概念都係唔好，所以先會勸勉下一代唔好借錢。
刪除買入時機緊要過貸款息口。小心為上（我借得勁過你，過來人心得）。
回覆刪除原來你屋企人仲好後生，真幸福！老人家唔會借錢，因為還款力唔高及青春有限，一係就係諗住借左唔還。
我都同意70後兄所講，買入時機緊要d。
刪除最近股市升左唔少，或者未必係最佳既時機，不過如果息口低，借黎做備用現金等機會都未嘗不可，或者黑天鵝聽日或者唔知幾時會出現，到時手頭有現金先可以入到貨。
其實兩老年紀都唔輕，不過叫健康，做下野有d世藝咁。
佢地唔知好D,勉得佢地擔心
回覆刪除借貸只不過係放大賺蝕幅度,首要係賺先有用,依家已經過左最佳借貸時機
借錢的確唔係好多人接受到
刪除我都唔會俾佢地知，你知老人家架啦，實擔心死。
依家股市升左唔少，借錢投資真係咁之前咁易。不過如果夠平，我都會再借做備用現金。
我都唔會俾佢地知，你知老人家架啦，實擔心死。
回覆刪除依家股市升左唔少，借錢投資真係咁之前咁易。不過如果夠平，我都會再借做備用現金。