唔同人對廢青既定義都唔同，對我黎講，以一個年青人既擁有或者學歷去評論佢係咪一個廢物係唔公道。反而，我認為年青人既心態更加能夠判斷佢係唔係一個廢青。
o尋日睇到報章既報導，
"買樓無望 港青求開心 寧「炒散」拒做長工"
http://www.skypost.hk/%E6%B8%AF%E8%81%9E/%E8%A6%81%E8%81%9E/20150526/001/%E8%B2%B7%E6%A8%93%E7%84%A1%E6%9C%9B%20%E6%B8%AF%E9%9D%92%E6%B1%82%E9%96%8B%E5%BF%83%20%E5%AF%A7%E3%80%8C%E7%82%92%E6%95%A3%E3%80%8D%E6%8B%92%E5%81%9A%E9%95%B7%E5%B7%A5/178706 ，
呢篇報導有幾多係真，真係唔知，不過如果年輕人真係好似報導入面咁既諗法，就真係同我心目中既廢青一樣。
年青人要外出闖蕩增廣見聞，什至發展自己既興趣，我絕對支持，但唔應該好似文中所講咁因為儲o固幾千蚊儲極都買唔到樓，所以做無幾耐就去旅行，呢種想法極度本末倒置。而且，可以睇到呢d人目光幾咁狹窄，因為買唔到樓，所以就點點點，人生既目標唔應該只係放o係層樓度，若然你係為左放眼世界而外闖，絕對支持，但因為買唔到樓而外遊，重要自我安慰為左見識異地，只不過係逃避現實。出發點唔同，得著亦唔一樣，當你以逃避既心態去所謂廣闊視野，係永遠都睇唔到人地為放眼世界而外闖既得著。
而因為儲極都買唔到樓就不如毫無目標咁洗埋佢，咁佢既人生好大機會係失敗者，廢青一條。儲錢唔係為左買樓，對我黎講，儲錢係買機會，而呢個機會，可以係買樓，買股票，投資，創業，或者係進修，出外擴闊視野等，呢個機會，係會為你帶黎改變，但係好係壞，都要睇你買呢個機會既時間。以自己為例，我03年開始做野，o係投資股票方面，當中已經有唔少買機會既時間，例如07年直通車前，09年金融海嘯，以至近期既大升市前，都係買機會既好時候。如果買樓方面，就更加係買機會既黃金十年。但如果連一點資本都唔儲，就算有沙士價既樓，一樣係得個睇字。不過廢青又會反駁，就算儲到一筆錢，樓價跌到沙士價，到時周圍經濟一定唔慌好，工都唔知有無得做，咁重儲黎做咩？佢地咁講又無錯，不過廢青諗野就係咁負面，唔會諗下到時話唔定繼續有野做，可以買到當時既機會。正因為廢青唔改變自己既思維，就算真係有機會都唔會把握得到，由廢青慢慢變成廢佬。
人要廢, 無人可以阻止到, 因為佢大把理由要廢
回覆刪除人要動, 都係無人可以阻止到, 因為佢大把理由要動
塘人兄就一定係好動o固隻啦！
刪除淨係見你成日去meetup就知。
Haha
玩到老婆返黎就無得玩啦, 當然趁而家啦:D
刪除如果佢0既夢想係去旅行, 佢一D 都唔廢, 因為佢做到了!
回覆刪除我相信大家0既夢想並唔係股票發達, 又或者有幾多層收租樓卦...
商人漁伕既故事:)
刪除70後兄，如果佢出發點係遊歷世界，咁又真係做到，唔算廢。最蔽依家好多年青人既出發點唔係咁，係因為做唔到A, 咁不如去做B。
刪除商人漁夫既故事我都有聽，
刪除其實知足既，
做漁夫都已經足夠。
不過咁，漁夫重要望天打掛，
但商人就唔使lor。
我覺得打工儲錢去旅行唔係問題，只不過佢地去之前要預計左，去左旅行就可能會放棄左好多冇得返轉頭機會，例如升職，儲蓄，低位買入股票等等。
回覆刪除始終人生苦短，冇人知自己幾時死，有想做嘅野做左先都係一種選擇。
不過我睇唔起果啲搵萬幾蚊，唔比家用但食屋企住屋企（父母並非家景富裕)，但自己食好用好一年3次去旅行嘅人。
翠絲小姐，我都認為人生苦短，有o的野想做就應該去做。
刪除不過好似我所講，如果年輕人係因為買唔到樓，先話去旅行放眼視野，本意完全錯晒，只係逃避現實。