由12月開始轉用左呢個叫3Q記賬本既apps,用左一段日子之後,發覺比舊有既好用唔知幾多,大家想記賬既不妨用呢個免費apps。
講返踏入2016後呢兩個月洗費,真係血流不止,人工加投資回報減返開支及供款支出,一月就負三萬九蚊左右,二月就負萬八蚊多o的。其實負咁多既主因係一月去左十二日既日本旅行,總共洗左四期六蚊,而二月就因為過年派利是同買賀禮,更衰既係自己一時控制唔到賭性,輸左七千銀,結果就攪到依家咁。
其實旅費方面,本身都想去轉耐d既旅程,所以雖然洗左唔少,但仍覺得值得。最大問題係無啦啦輸左幾千銀,同投資輸錢唔同 ,今次純粹賭博,小賭可以,但輸成幾千銀理應避免,經歷今次,相信叫買左個教訓,唔會再重蹈覆轍。
黎緊三月係結婚紀念日,應該都要洗錢,不過自己已經由個人洗費著手,盡量慳少少,始終慳自己都唔想伴侶過得太寒暄。
多謝這驚人大發現。
回覆刪除可惜只有PL,如果有AL更好。
免費嘢,無可能要求咁多。
如果有更好用,各位多多推介。
我已Download試下玩。
投資者兄,驚人大發現就誇左d。
刪除不過no pay野算唔錯架啦,
你試下好唔好用。
言兄辛苦了
回覆刪除依家辛苦d,遲下就鬆動d。
刪除用左去同心愛既人旅行值得既
回覆刪除你玩乜輸左幾k呀??
有d錢係必要洗既,都無得計咁多啦!
刪除就係賭lor,唉!我都知錯啦!
咁易贏, 我一早發啦 :)
刪除Lisa姐,我都知錯啦!
刪除試下long5月1張恒指put !
刪除