呢個三月,明明係生日月,但就諸事不順。之前經歷過倒楣日,諗住否極泰來,但之後d黑氣都好似未走咁。
話說上次溫泉之旅,玩完都ok,不過到走既時候,去到九州港碼頭,一落shuttle bus,就有大班白牌司機圍埋黎,話大霧無船搭,我諗住佢地搵生意梗係唔信啦!入到去櫃頭,原來真係大霧取消晒d船,無船返香港。咁問d職員有無車去關口,佢話淨係有車去蛇口,過兩三個字就開車。由於諗住去兩日咁大把,都無買到上網卡,平時都有聽過蛇口呢個地方,實際o係邊真係唔知,不過諗住都係o係深圳,去到點都搵到方法返香港,於是就一野跳左上車。點知一搭就搭左成三個鐘,蛇口落左車,o固度本來有船返香港,不過已經過左時,又無船搭,好在有地鐵可以返羅湖,不過原來蛇口離羅湖好鬼遠,一搭又搭左成個鐘,之後唯有o係深圳行陣街食埋飯先返香港。
除左經歷無船搭,今個月既投資表現真係未如理想。三月係業績月,持有兩隻股票都公佈左全年業績,兩隻末期息都少左,一隻派少左四成,一隻少三成。而之前買既建行認沽期權,呢個月股市升返唔少,所以都係凍過水,應該要蝕成皮野,今次買入認沽期權蝕唔少都算係一個好經驗,提升我對買入認沽期權既經驗值。
希望生日之後黑氣可以遠離我,唔好再出呢d倒楣既文章。
平常心
回覆刪除平常心咁姓賴,賴晒落運滯。
刪除平常心x2, 祝否極泰來!
回覆刪除最近好似轉緊運咁!!
刪除平常心x3,最緊要知自己死係邊
回覆刪除祝生日快樂
期權方面都知自己衰邊既!!!
刪除希望下次唔好再錯啦!
唔係黑仔, 只係做錯一個決定!
回覆刪除九州港打的去珠海蓮花路汽車站, 再坐巴士去深圳坐港鐵!
其實人生唔如意事大部份都係做錯決定引致。
刪除我唔識路,又上唔到網,結果on居居坐左鬼咁耐。
今次去完對珠海感覺唔錯。
我等唔到跌市la,開始買返d股票做倉底
回覆刪除你買LP都輸成皮咁多??
我都重忍耐中未入貨。
刪除唉,鬼叫自己太自信,買大左,下次會吸取教訓架啦!
呵呵, 人生有上有落, 太平穩反而太悶, 唔好玩 :)
回覆刪除唯有咁樣安慰下自己啦!
刪除