呢兩個月依舊入不敷支,3月就負14410蚊,而4月就負11240。其實負數係好正常,因為依家每月還款成16000蚊,佔人工既一半,所以見紅就梗架啦,不過唔好負太多囉!
好可惜既係呢兩個月都負唔少。之前提過買入認沽期權受到重創,蝕左萬幾銀,由於買入時間唔同,所以分返開二至四月都有虧損,三四月都各蝕四千幾銀。三月負得多d,除左期權蝕錢之外,因為結婚紀念日,買禮物加埋同老婆返大陸浸溫泉,而自己大意導致要申請一次性証件既費用,所以洗多左唔少。而4月其實主要因期權虧損,洗費開支其實都正常。
黎緊5月都唔樂觀,因為老婆轉工,返新工前有空檔同佢去幾日泰國玩下,雖然期權方面賺返d,不過都未夠旅行洗費,唯有安慰下自己,既然開心就唔好計較咁多,之後先再慳返d啦!
仲係後生, 開心下都好重要, 呢d年齡緊係要enjoy多D.
回覆刪除我都係咁話,今日唔知聽日事,間中都要開心下。
刪除佔人工既一半, 都仲係正現金流, 期權我都試玩過一排, 最後都係放棄.
回覆刪除唔係呀!係負數,見紅呀!
刪除我都有參考這Apps。
回覆刪除曾疑問假設供樓,應是只計利息開支抑或本利。
我最後選了只計利息。
當然每人演繹不同,有人用現金流角度。
我就會計晒所以供樓開支為支出,唔會只計利息。
刪除玩完至算, 哈哈:D
回覆刪除玩完返黎一排啦!
刪除繼續加油!....
回覆刪除