黎緊下個星期四，會同老婆去東京玩五日，全包宴當係佢既生日禮物。老婆見yen平，當然興致不已，本來我諗住兌住兩萬蚊港紙先，唔夠先簽卡，不過老婆見低到6.18，就忍唔到手兌左兩萬五蚊，佢就話唔使我俾返多左o固五千蚊，不過咁，既然話左全包，如果唔洗俾返o固五千蚊佢，就買份禮物補返啦，不過咁就無啦啦駛左多幾千蚊。
由於機票酒店已經俾晒錢，所以呢兩萬五蚊淨係五日既洗費黎，姐係每日洗5千銀，試問平時有幾何會預一日五千蚊既洗費? 大時大節都唔會啦！雖然無話兌左就一定要洗晒佢，不過兌得既，亦都唔排除有洗晒既可能。就算話唔係次次去旅行都預成五千蚊洗費一日，但去旅行時洗錢既心態的確同平時好唔同，豪好多。當然唔係人人去旅行都會豪洗，不過唔少人去旅行洗錢應該都會好似我咁手鬆d。相比起本土消費，我相信旅遊業帶黎既效果應該大得多，香港一直都好依賴旅遊業，而近年主打自由行既旅行，不過黎緊旅遊業應該面對唔少既挑戰，到底會為香港經濟帶黎幾大衝擊，我都有d擔心。
不過，船到橋頭自然直，本土消費就留返我去完旅行先再支持啦！
香港既旅遊業好似變下變下做左熱錢業同埋人口流動業
回覆刪除香港既旅遊業係時候整頓下啦！
刪除如果唔係以後都幾難行。
東京好多大商場，用銀聯咭+出示passport即時免稅。
回覆刪除帶定銀聯咭實冇壞。
妳個台北之旅成事未呀？
刪除haha,多謝你仲記得
刪除本來話去台北，不過家人最後決定去宜蘭，仲要出年先去。
宜蘭我都未去過，等妳去完睇下係咪個好地方。
刪除全包宴??咁係邊隻股票包你??
回覆刪除個人感覺,香港比政治同新一代既思維拖累,情況只會越來越差,依家只係食老本
ww兄，黎黎去去咪又係o固幾隻。
刪除我都覺得香港既政治環境會影響香港既發展，重要係好大既影響。老本食左咁多年，講真重有幾多剩。