到底什麼是投資?

到底咩係投資? 我相信唔同人有唔同既答案，有人會話係價值投資，有人會話買樓收租，有人會話買債卷，林林總總，無劃一既答案。但對我黎講，只要你做既買或賣，能夠賺到錢，而呢個情況，唔係剎那既光輝，可以持續到落去既，就已經係投資黎。

記得曾經睇過套西片21，中文好似叫決勝廿一點，劇情唔需要理會，不過當中講到主角被其大學教授招攬，加入左一個只有少數既精英集團，透過心算，記憶力，一系列既程式以及團體合作，專攻賭場既21點。o係普通人眼中，去賭場玩21點只係賭博，但如果真係可以做到好似戲入面咁，透過一系列分析，去提高每次賭21點既得勝率，從而達致長期回報，對我黎講，其實都係投資既一種。

對於投資，我地應該抱住開放d既思維，唔同人有唔同既領會，就算同一個人，o係唔同階段每人既領會都會有所唔同，唔夠開放只會焗限左自己，或者會錯失投資既機會。