馬年第一跌

過完年後, 股市算係跌左唔少, 不過我冇入到貨, 原因係一月做左唔少中國銀行sp, 月尾到價入左唔少, 飽晒! 已經冇咩閒錢再入。
今次中銀既買入價3.39(已扣權金),以上年既股息計, 股息率都有5厘 7, 預計人仔升值, 再加埋業績既增長, 股息相信最少有5%增長, 咁計落應該有6厘, 算符合自己既要求。
雖然本身都諗住到價會入, 但最終買入量係比預期多唔少, 所以致跌市都入唔到貨。點解會有咁既情況, 因為見一月中近月尾中銀股價跌,權金升唔少, 覺得就算到價入都可以接受, 而且認為到價機會唔大, 結果沽多左sp, 導致之後再跌要忍心唔買得既情況。
希望能夠吸收今次既經驗, 下次做決定時再諗清楚d, 唔好再因一時衝動影響到之後既投資。