http://www.bastillepost.com/hongkong/1-政事/399376-薪常會倡僅最高薪5級公務員加薪3
公務員薪俸及服務條件常務委員會,向特首呈交2013年公務員薪酬水平調查報告書,建議總薪級表第45至49點的高級公務員,加薪3%,其餘薪級則維持不變。
薪常會調查了128間私人機構,發現屬公務員總薪級表最高5級,即第45至49點(87,340至103,190元)的公務員薪酬,與私人機構相差約8%,建議加薪3%。
但屬公務員第一標準薪級表(10155元至13745元),及總薪級表第0至44點(9930元至86440元)的職位薪酬,則與私人機構大致相約,建議維持不變。
公務員呢份工,其實係咪真係咁好,真係見人見至。係經濟好既時候,公務員其實唔係咁吃香,因為出面d工計埋人工花紅,待遇真係唔差,自從轉左強積金之後,其實公務員既待遇唔係好似街外人諗咁好,好多福利都cut晒,而且經濟好時,某d行業加人工既幅度好多時都多過公務員。不過公務員有樣好,就係穩定。係經濟唔好既時候,往往比出面好少少。比如出面減緊人工,公務員就凍薪多。出面要裁員,公務員就減人工,所以公務員凍薪或者減人工,其實反應到出面既經濟有幾唔好。雖然依家只係薪常會既建議,而且唔係所有公務員都建議凍薪,不過有得咁既建議,而且凍薪係佔大部份,可以想像到來年經濟既預期都唔慌樂觀。睇怕香港呢次既經濟好景週期都係開始步入完結既時候。
唔理得咁多啦, 言兄搵到就得啦
回覆刪除叫做夠糊口咁啦!
刪除不過安安定定就滿足啦!
你係咪公務員呢?
回覆刪除公務員有好處, 防守力強! 經濟唔好, 佢地都唔會PK, 不過經濟好佢地就人工大落後了.
70後兄,小弟係前線既公務員。
刪除正如你所講,防守力多係唯一好處,講真,經濟好時,福利待遇真係唔見得好law。
言兄, 不用擔心, 呢個似係講緊額外的, 並非說一年一度的政府加薪:
回覆刪除http://orientaldaily.on.cc/cnt/news/20141031/00176_023.html
原來如此,
刪除謝千萬兄提醒,
如果唔係真係誤會左。
不過我真係唔擔心,
正如70後兄所講,
經濟唔好公務員防守力強反而有優勢。
沙士時代, 一份入境處IA 爭崩頭, 我成班專業人士同學都去考, 當年13K 已經好高人工...
刪除70後兄,o固時份人工不知幾咁好使。
刪除唔好怪我自私,我反而想經濟唔好。