8月份開支

自從之前覺得自己洗多左無謂錢之後，終於的起心肝o係7月尾download返之前去旅行用過既記賬apps，記錄返日常既開支，8月係第一次記錄整個月既開支。                                                     

整個8月，總支出約兩萬蚊，當中最大開支係租金+家用，共一萬大元。相比起唔少人，租金方 面既支出算少好多，因為係老婆屋企人既物業，所以比市價平一大截。如果唔係租金+家用應該要俾多1/3，萬五蚊先夠。                                    

其次就係飯錢，用左近五千蚊。雖然兩口子因為返工時間唔係成日一齊食飯，不過只要一齊出去食，大部份都係我埋單，平時返工自己食就無所謂平食又一餐，但兩個人出去食既話兩三舊就最基本，所以餐費唔覺唔覺都成五千銀。               

計埋其他，上個月洗左兩萬蚊左右，佔人工既2/3，叫重有一萬蚊剩，不過因為還緊錢，所以係負數，不過都無所謂，反正有股息幫補下，挨到咁上下就會鬆動唔少啦！