上一篇講到個年輕同事買左層六球既樓，似乎所有blog友都認為呢個唔係一個好既決定，其實以一眾blog友既財務知識，又點會唔知依家唔係買樓既合適時機。
對投資/投機者而言，樓市同股市相同，長揸者睇既係租金既回報，短少者睇樓價既升幅，同買股收息或者買股賺價理念係一樣，而佢地亦都應該清楚投資涉及風險，最終回報如何就睇個人既眼光。
但對更多人黎講，住係生活所需，而樓就係當中既必需品，有d人可能依家已經有住既需要，有d可能未駛住，不過認為未來總有呢個既需要。當呢班人睇住樓價係咁升，自己既人工升幅遠遠落後，尾燈都唔見到，除左09年金融海嘯樓價跌過d之外，呢幾年年年話加息，樓價會回調，鬍鬚曾成日叫小心，租樓等樓價跌就繼續租，樓價依舊由離地升到半空，駛問佢地又點會唔心急，所以有種心態依家再唔買遲下樓價分分鐘升到上太空，於是乎就有早兩三年父母俾首期，到依家一家大細一齊供既情況出現。自己早兩年結婚，老婆屋企以較平既價錢租個單位俾我地，否則都可能要為住既地方煩惱，所以好明白當中既苦況，亦都唔怪得點解有咁多人亦入市做樓奴。對於佢地情況，自己都好概嘆，亦好感恩自己既幸運。
買樓其實好簡單，三十年供期入面能否防守；以言兄的同事來說，供樓已佔大部分人工，隨時加個息或者扣人工就已經失守；如果仲要綁埋家人一齊陪葬的話，他日便成為反目的根源吧。
回覆刪除其實就好似塘人兄所講咁，
刪除不過有時做人未必睇得清。
睇埋言兄之前的果篇，真係覺得呢位人兄有少少牙煙。
回覆刪除我自問都算進取，但有時對比起這些例子，又覺得自己好保守。如果要這樣夾硬上樓，我真係寧願穩陣一點唔上車。驚未來一個浪來到，果四千蚊唔夠做緩衝。
我地計過數如果太勉強就情願唔上車住，
刪除但o係之前年年樓價升唔停既情況下，
真係唔怪得有人會繼續入市。
無論結果如何，希望大家能承擔所有的投資風險。
回覆刪除個個承擔得到就無人破產啦！
刪除所以做人不要做到太盡，留條生路給自己其實不是太難。
刪除其實現在有晒壓測，無論升跌，只要唔失業，肯繼續供是否唔會有大問題?
回覆刪除但故事主角要三個屋企人擔保先過到壓測，出問題時就由一個人的事變成一家人的事了
刪除其實就算唔跌，層樓升，又加息，有人供唔掂都係問題
刪除的確有左壓力測試，
刪除出事機會係細左d，
但唔等於完全安全。
用「父幹」買錯溢價高的資產可能是一場災難。呢個時間都有唔少用家或投資者買樓，最緊要係學誠哥話齋「量力而為」。
回覆刪除其中一個隱憂，係父母高估左子女供款能力，但子女可能因為物業得來太易，唔知世間財難搵。於是繼續大洗，錄爆咭，又用物業貸款，如果還唔到，隨時樓都冇埋。
刪除絕對認同，有父幹係咪一件好事，好在乎買入既時機。
刪除試想下如果你Daddy早兩三個月幫你俾左層六球既首期，以後你只係負責供，點知樓市今日爆煲，你睇住層樓係咁跌，搵到人租幫補下都好d，如果唔係個個月出糧就無截，到時可能怨老豆俾個咁重既負擔你。