一錯手成一千銀

之前初嘗買入認沽期權少少甜頭，尋日諗住再下一成，買入三月既認沽期權，行駛價比市價低唔太多，當時開市股價升左d，之後慢慢回返少少，由於近行駛價，理應要俾多少少權金先成交到，不過自己係孤寒精，權金都係set低少少，諗住唔成交就算數，無咩所謂，點知轉個頭就成交左，咁就無理佢。隔左陣心月來潮望望個成交紀律，先察覺自己襟錯制，明明想買變左沽，貼價之餘自己on居居收少權金，之後個價又再回多d，結果我唯有俾返多d出黎平倉，咁樣無啦啦就跌左九舊幾，真係肉都赤埋。點解要咁快平倉? 依家道指升緊唔少，如果聽日先平倉可能唔洗蝕咁多，不過以一個咁貼價沽認沽期權非計劃之內，就算錯有錯著有錢賺亦未必係好事，倒不如忍痛認錯就算。今次一時錯手就少左成千銀，呢個教訓都算大，之後每次襟制都要小心d先得。