好似雨過天晴

最近環球股市都升返唔少，港股上返兩萬點，德國指數就升返近一萬點，美股就最堅，唔經唔覺又上返萬七點。

港股升唔少，之前買既建行認沽期權賬面輸唔少。環球股市睇落雨過天晴，之前重一片愁雲慘霧，依家又好似無左回事。雖然股市升返唔少，自己好似miss左低價入貨既機會，買既認沽期權又蝕錢，不過自己都係唔睇好環球經濟，就算點印銀錢點減息，都只係將問題拖延，最終都會爆發出黎，繼而會o係股市反映出黎。所以依家繼續手持現金，等最壞既時刻到來，不過老實講，等候既時間的確好難過，因為唔知自己既決定係咪錯。