最近有新樓盤推出，又或者之前居屋交申請表，總係大排長龍，人山人海。o係我眼中，依家既樓價真係貴得誇張，完全唔值，不過o係大前提下係有自住實際需要同埋經濟能力，我都唔反對人地依家上樓，始終無人可以準確預知樓市既動向。以自己為例，我大幾兩年前結婚，有自住需要，經濟方面亦負擔得起，當時樓價雖然都唔平，但買既話都未嘗不可，不過因為老婆屋企有個單位平租，而當時預計應該兩年左右可以輪候到宿舍，所以先決定唔買，不過依家輪極都未到，眼見可能要再等多一兩年，又要俾多兩年租，都有dd咁多後悔當時無買到。因為自己既經歷，對於自用又有經濟能力者，更加唔敢話現時買樓係對定錯。
但如果達唔到是但一個條件，我對依家仆到入市，係有所保留。我見依家唔少人，都未必真係有自住既需要，好似岩岩畢業無耐既大學生咁，佢地係咪真係有即時需要買樓自住? 可能有d人話準備結婚有自住需要，但連首期都俾唔起，要屋企人幫手，咁係咪真係需要依家結婚買樓?
唔少人會反駁，依家唔買第時更加難買，但我都講過，無人可以準確咁睇通樓市。其實睇返歷史，97之後每隔幾年都有機會上樓，03年梗係最佳時候，09年個時機亦都唔差，之後幾時再有機會，真係無人知，不過o係力有不逮既時候仆到入去，話唔定真係會仆親，有能力者，當然可以起返身，閉在依家都要人扶既，可能真係跌到頭破血流都唔定。話唔埋依家儲埋d戰鬥力，機會一到重有威力啦！
而家緊係唔買好過買啦,9成上會供成萬幾銀仲要唔係新樓, 除非搵到D好筍既盤啦
回覆刪除塘人兄，我都認為依家唔係買樓既好時機，
刪除不過對於有需要又有能力既，我都唔會俾咩意見既。
講到最尾都係要講財力！
刪除塘人兄，新年快樂，
刪除我都重未有財力呢家野。
唔係有住既需要,依家一定唔買住
回覆刪除但所有人都覺得越遲買越貴,爭住黎買
需然唔知幾時會跌,但相信一定有機會平過依家
ww兄，新年快樂，
回覆刪除依家d人真係搶樓搶到癲，
我表妹既樓花之前就有人加碼五十個話買，
不過佢諗住自用唔賣，
最近又加碼到成70幾個，
咁升法真係好過咩。