中國人都係舊曆年先係真正既過年，在此祝咁多身體健康，財源滾滾。不過咁，自己就麻麻地鍾意過年，因為呢d日子超多野做，忙到甩碌。如果唔係，過年都叫算係我最鍾意既日子之一。
之前佔中賣股既資金，舊曆年之前已經投入返晒市場有突，剩返借返黎既資金都蠢蠢欲動，寄望三月業績前有機會再入。
過年見到表妹，聽佢講之前買落既樓花，有人願意出多五十個同佢買，不過佢諗住第時自住唔賣，最近又加多廿幾個，只能夠嘆句so crazy。有時都唔怪得d人點解係咁仆入樓市，計埋做按揭既高杆桿，升時既回報真係好和味。而且睇住樓價係咁升，普通打工仔睇住樓價升幅遠超自己人工既加幅，真係有好難按捺得住入市既衝動。
最後希望羊年個人既長線投資能夠生生性性，好好反映長線投資既威力。
而家香港既樓市就好似當年Las Vegas 爆煲前一樣
回覆刪除我諗香港個波爆起上黎都唔少野，
刪除不過始於背靠祖國，
應該冇las vegas咁傷既。
羊年快樂,身體健康
回覆刪除樓市比股市優勝,就係可以用平息既杆桿
就係升得癲,先引人入勝
ww兄，大家咁話，身體健康再加財源廣進。
刪除講真，樓市咁升法，依家同人講買股收息真係冇人聽你講。