剎那的興奮

上個星期，股巿突然連爆幾日，所有人既話題都集中晒o係d股票度，當時聽得最多既，除左邊隻股票唔知升幾多之外，其次就係埋怨自己放早左，賺少好多，之後就係d蟹貨終於鬆綁見返家鄉。不過隨住之後漸漸轉趨平穩，股票又開始慢慢淡出人們既話題。o固幾日既大升，令到唔少人都興奮異常，滿以為隨便買都會賺錢，易過食菜既時候，轉頭又回返唔少，只為佢地剎那的興奮。不過，黎緊星期一應該又有話題，不過今次可能唔係爆升，而係大跌，相信唔少人又會被影響到其情緒啦！