平有平玩

我諗唔少80頭既宅男，應該都同我一樣鍾意高達，以前我都有玩下模型，不過依家已經無玩lu，唔係因為貴，係因為屋企無咁多位擺。不過早排行經樓下既扭蛋機，見到依家d扭多都相當精緻下，上埋色而且手腳可有限度活動，我最愛既Z Gundam重可以變身添，廿蚊都算抽得過 (我o靚仔既時候五蚊炸)。結果抽左兩隻就俾我抽到想要o固隻，返屋企砌好o係陽光下幫佢映返張靚仔相先。

其實有時做人簡單d未嘗唔係好事，心態影響你既消費，廿蚊已經令我好滿足。有時唔係唔追求，不過亦無需強求。