套現少少

今日恆指既表現，早段都升到咁上下，不過之後都頂唔住，收市跌兩舊幾。

o係今日開市之前，自己做左兩個部署，第一個係set左龍翔集團既止蝕貨價，觸發價1.01，結果1蚊賣出，套現返廿萬。另一個部署係set個低價睇下入唔入到心水股，結果係唔成功。

賣出左部份龍翔之後，現金水平提升至36萬幾，由於大環境實在唔樂觀，而且相對唔少股票，龍翔既跌幅已經唔算多，套現部份現金睇下有無機會換入跌幅較大既股票，從而提高回報。