老友一聚有感

最近, 同個老死食飯, 平時佢對食都冇咩特別要求, 所以都係志在見下面吹下水, 不過當日佢少有地話要食好d, 於是搵左間日式小店慢食。 原來老死加人工同出左三個月花紅, 所以想豪一豪佢。 老死從事會計行業, 雖然唔係四大, 但平時既工作量同壓力, 都比我多唔少, peak season冇償加班就更加走唔甩, 當然工作前景會比我好既。 但係原來咁努力工作, 所得既花紅, 都係同我自制既花紅差唔多,  令我更加明白到好好管理自己既資產, 可以帶黎就算唔工作都同努力工作有相近回報既重要性。