有消息真係唔要!?

最近，因緣際會見過某上市公司主席個仔一面咁大把，之後返去睇下呢間上市公司咩料子，當時九毫半紙，對上一日跌左8個%左右，係咁易睇下呢幾年業績，睇完完全唔係我杯茶。第二日返工，同同事講開呢間野，有個同事話收到內幕消息，呢隻野會炒上個半樓上，而呢個同事係有可能收到d風既，不過既然唔係我杯茶，聽完係咁易應過下就算，點知o固日就即刻升左15%以上。不過再過一日，隻股又跌返唔少，得返0.98。對於呢d消息，自問真係無能力把握到，當然，有能力食到既，我係唔反對啦！始終投資/投機，最緊要係賺到錢姐。