之前收到銀行寄黎既傳單，見到有個開心分期計劃，就係只要單次簽帳滿三百蚊，合併夠八舊水以上，就可以做分期，十二個月或者廿四個月，手續費0.12%，見咁抵於是今日打去問，結果就係呢個分期計劃，只係適用於交稅之後幫你做返分期，其他消費就做唔到咁抵。跟住個姐姐就建議另一個計劃俾我，月平息0.19%，我即刻話唔使，因為我都用緊呢間銀行既借貸，月平息都係0.15%，而且依家重o係VIP添，無理由重要貴左架，所以都唔使再傾落去。
之後個姐姐見我誠意拳拳咁打黎問，又係銀行既忠實擁躉，就話幫我問下可唔可以做到0.12% o固個，不過因為之前已經個額已經所剩無幾，最多做到六萬，雖然係少，不過咁抵梗係照試啦！
過左個幾鐘，位姐姐打返俾我，同我講無問題，我話做48期得唔得，都ok, 就係咁，無啦啦又再借多六萬蚊，每個月都係千幾蚊，真係抵! 黎緊股市再跌又多少少彈藥啦！
塘人有個問題, 如果借太多或者係申請次數太頻密時會唔會影響信貸報告?
回覆刪除我依家有幾筆貸款，大部份都係信用卡分期，得唯一筆名義上真係叫借貸既先查核過我個信貸報告，其餘都無咁做過。只要準時還款無拖，應該都冇咩影響，不過如果要做mortage，咁就會還清好d。
刪除一個月比人TU 三次, 就會降評級.
刪除所以千祈唔好亂申請, 問清楚先簽名.
我依家手頭上幾筆貸款，
刪除除左一筆係n年銀行睇我個信貸紀錄之外，
其餘都係銀行既分期，
類似當消費之後個個月月結單找數，
冇再睇過我個信貸紀錄，
所以應該冇影響我個信貸紀錄既。
如果降左級，應該都冇0.12%咁平卦?!
多謝70後兄提點，之前成日卦住息口，反而冇提信貸評級呢樣野
刪除問下唔會死, 不過一簽名話申請佢就一定TU 你. (無抵押個D)
刪除如有抵押, 例如股票, 不用睇TU. 係樓按要睇咁奇怪0者....
又多D錢投資,勁
回覆刪除ww兄，多得雞碎咁多，
刪除叫好過無咁啦！
可惜唔可以再借多d。