小數怕長計

之前申請左個一通既戶口，都冇咩點用過，早輪因為自己做錯事，賣晒銀行戶口入面既股票，成手現金。於是將手頭既錢撥去一通個戶口，預備隨時入貨，之後趁機分段入左隻心水股。尋日見得閒少少，比較返自己用一通同銀行入同等數量股票既洗費，原來都差成千蚊有多，以前因為用開銀行戶口，方便開一直都冇咩留意當中既費用，買入已經相差成千銀，如果計埋賣出既費用，又差成千，一來一回，都幾襟計。雖然話証卷行好似冇咁穩陣，不過我又唔係咁諗，好似一通咁，全程都係上網攪，比起銀行既成本都不知少幾多，所以應該唔會太危險既。如果只係純粹普普通通既買賣，用一通既成本真係抵好多。