大陸股市上星期跌極都有,中央出招都頂唔住。周末再有消息出招救市,到底下星期A股會唔會翻生,都係未知之數。
中央係咁出招救市,係咪真係一件好事,我自己就有所保留。面對跌市,出手穩定股市絕對無可口非,亦都有相當既需要,但個人覺得今次中央出招似乎過密及過勁,反而令我有d戒心。依家大陸既股市,就好似一個人唔舒服,醫生開特效藥,不過依家阿醫生開完一劑又一劑,到底係咪真係咁病,我地行外人邊到識。可能依家真係好嚴重,所以要連執幾劑,如果唔係可能會重傷或者就咁瓜柴,另一個情況就係依家已經病病地,開特效藥係為左等佢快d好,點知食完一劑無起色,即刻整多幾劑佢噗下。
第一個情況,已經唔係幾好,始終病人個情況都幾差下,底子唔好先要執咁多劑,有無效就要睇d藥夾唔夾,雖然情況不佳,但總算對正下藥,不過都唔可以因為有藥食而盲目樂觀。第二個情況睇落無咁嚴重,但我覺得比第一個情況更加差,短線睇起黎,第二個情況病人無咁病,又連執幾劑特效藥,一定好得快d。不過有睇過醫生既都知,特效藥唔係亂開,如果食得多,特效藥既效力會大打折扣,所以就算今次好得返,他朝真係再病既時候,要再好返既難度就高好多,到時既情況可能更加難扭轉。
如果有得揀,我希望依家係第一個情況,而唔係第二個,不過事實可能係第三或者第N個情況,世事又豈是我呢d嘍囉咁易看得清,還是按自己步伐而行。
信政府決心
回覆刪除還是信散戶情緒
心如止水就會看穿
我重未去到呢個境界,重要多多修行。
刪除快D 再穿多D! 陰跌先最恐怖!
回覆刪除都唔係陰d陰d咁跌,
刪除今日又成8百幾點。
有時政府托一托時,散仔更加會人踩人式地出貨,最後變成政府揸住堆股票眼光光。
回覆刪除今日又跌唔少,我都重未入市。
刪除我開始買la
回覆刪除我重忍緊手,今日重套現左少少出黎。
刪除尋日屋企人先話
回覆刪除輸左170蚊,想用1.2返本。
心寒。
如果1.2可以滚到170蚊就真係好勵害啦!!!
刪除另外妳貓貓好靚
不過我情願有奇蹟托得起,都好過比鬼佬大鱷lam 左…
刪除我呢隻普通街貓嚟,張相靚,係因為朋友相機靚,不過呢隻貓已經養到成8kg肥c大隻啦。
奇蹟都重未出現,唯有自求多福啦!
刪除妳隻貓貓好靚呀!
有時唔一定明種先靚,
最緊要睇主人有冇心去照顧佢。
肥咪姐係佢好幸福law