食唔到滬港股市互聯互通呢條水

呢兩日, 唔少h股股價比a股股價有大折讓既股票, 都炒高左。 雖然到今日, 唔少炒高左既股票都回落返唔少, 不過比之前都有一定既升幅。之但係小弟既股票, 冇即時因為呢個消息受惠到, 隻內銀股價呢兩日都係咁上下, 而另一隻股本身都冇發行a股, 又點會食到條水。 雖然短期冇因為呢個消息獲益, 但相信長遠都係一個好消息黎既。

不過又一次証明, 我對於呢d消息既觸角真係等於冇咁濟, 見到有d Blogger一知道呢個消息就當機立段, 搵出大折讓既股票, 短短既時間就已經捕捉到20+%回報, 真係相當勵害。 反之自己到夜晚睇新聞先知有咁既消息, 但就算俾我同其他blogger同一時間知道呢個消息, 我都未必識去搵呢d大折讓股, 可見自己既觸角同能力都未入流, 想偶爾透過投機去增加投資既資本 短期內都唔可行架啦，暫時疊埋心水慢慢儲優質資產算啦!