出血月

四月終於就黎完啦! 呢個月真係洗左唔少錢, 老婆d屋企人話買錶有折, 就洗左千幾蚊買左兩隻, 又用左幾舊水買左枝白酒同氣酒, 同依家同之前既同事食左兩餐飯, 買左部紅米俾老豆做下孝順仔, 平時同老婆日常開支, 假期同佢出去飲飲食食, 行街買野, 岩岩重訂埋六月去旅行既機票酒店, 真係大出血。 呢個四月, 比平時洗多左唔少, 當然有d係應該洗既, 例如買下換季衣服, 平時既日常開支, 去旅行搵間正d既酒店獎勵下自己, 呢d我覺得洗得ok既, 但有部份係自己豪氣左, 好似食飯食貴左, 買多左平常唔會買既無謂野等等。 點解個心態會鬆懈左, 可能係因為今年既回報相當唔錯, 所以洗多左。本來之前都set個limit俾自己, 就係只可以用今年bonus既1/3, 如果照之前既洗法, 一定超標, 黎緊都係要好好節制自己, 希望標準內完成。