唔少人都有買樓收租作投資, 能夠搵到個好租客, 當然係好事啦! 不過, 亦都要有遇到惡運既心理準備。 以下係一個真人真事, 好在唔係發生o係我認識既人身上。
話說有業主租左俾個單身客, 一直都準時交租, 不過近幾個月已經拖租冇交到, 原本承諾過幾日交, 點知過左幾日都冇收到, 業主於是上門追, 點知去到門口已經聞到味, 之後報警消防爆左門, 發現租客已經死左幾日, 發臭晒出晒屍水, 業主見到咁既情況都面如死灰。我都鄧個業主心痛, 遇到咁既情況, 樓價最少打個7折, 市好都有機會甩身, 市唔好都要焗供揹上身, 放租又未必有人租, 有都要俾折, 自住又有心理陰影, 重要重新起個地板攪攪個單位。
所以投資既野, 有時真係未必如心中所想咁順利, 有d野真係人算不如天算, 邊有人估到六合彩唔見自己中, 衰野就中到正喎!
風險的事無處不在
回覆刪除有d野真係講唔埋, 盡量小心d架炸
刪除